Mediat e njohura ndërkombëtare “Reuters” dhe “The Washington Post”, i kanë kushtuar artikuj dhënies së masës së sigurisë “arrest shtëpiak”, për ish-monistin e Brendshëm Saimir Tahiri, një ditë më parë nga Gjykata e Krimeve të Rënda.
“Reuters” e hap shkrimin e titullin: Ish-ministri shqiptar do të përballet me akuzat për trafik droge
Ndërsa “The Washington Post”, shkrimin e mban me titullin; Shqipëri: Ish-ministri nën arrest shtëpiak gjatë hetimit për drogë
Më tej mediat prestigjioze shkruajnë për vendimin e gjykatës dhe historinë e nisjes së hetimit për ish-ministrin e Brendshëm.
Një ditë më parë Gjykata për ish-ministrin Tahiri vendosi: “Gjykata vendosi pranimin pjesërisht të kërkesës. Caktimin e masës së sigurimit personal “Arrest në shtëpi”, ndaj shtetasit nën hetim Saimir Bashkim Tahiri, i datëlindjes 30.10.1979, si person i dyshuar për kryerje të veprave penale “Trafikimi i narkotikëve”, në bashkëpunim, në formën e grupit të strukturuar kriminal, e parashikuar në nenet 283/a dhe 333/a, në lidhje me nenin 28 të Kodit Penal dhe, “Korrupsioni pasiv i funksionarëve të lartë shtetërorë ose i të zgjedhurve vendorë”, e parashikuar në nenin 260 të Kodit Penal. Urdhërohet shtetasi nën hetim Saimir Bashkim Tahiri të mos largohet nga banesa e tij, ndodhur në Tiranë, Rruga “Kodra e Diellit”, Pallati Nr.3″.
Hetimi ndaj Saimir Tahirit nis pas publikimit të dosjes se Prokurorisë së Katania në muajin Tetor të vitit 2017, ku emri i ish-ministrit të Brendshëm përmendej në përgjimet telefonike dhe ambientale të kushërinjve, vëllezërve Habilaj.
Parlamenti me shumicë votash refuzoi të pranonte kërkesën e parë të Krimeve të Rënda për heqjen e imunitetit dhe më pas arrestimin e Saimir Tahirit i akuzuar si pjesë e një grupi të strukturuar kriminal me qëllimin trafikimin ndërkombëtar të lëndëve narkotike.
Shumica parlamentare justifikoi vendimmarrjen me mungesën e provave të cilat implikonin drejtpërsëdrejti Saimir Tahirin në grupin e Habilajve.
Ish ministri, Saimir Tahiri vendosi në 5 Maj të dorëzojë vullnetarisht mandatin si deputet i qarkut të Tiranës, për t’u përballur me drejtësinë pa imunitet. TIRANA TODAY
