Gazetari italian De Luca, në një lidhje për ‘News 24’, është shprehur se hetimet për grupin e Habilajve janë ende të hapura. Ai ka reaguar menjëherë pas vendimit që ka marrës sot gjykata e Katanias ku ka lënë në burg 5 anëtarët e kësaj bande që janë arrestuar në Itali ku në mesin e tyre është dhe koka e grupit Moisi Habilaj.
“Mbrojtja kërkonte masën e sigurisë. Saimiri për të cilin flitet në përgjime rezulton të jetë ish-ministri shqiptar, dhe jo taksist sikundër pretendohet. Provat që ka gjykata janë shumë të forta. Hetimi ka zgjatur prej kohësh. Gjykata ka shumë prova. Hetimet nuk janë mbyllura dhe do të duhet të arrestohet Florian Habilaj. Ata që janë arrestuar në Itali, nuk janë personat me të rëndësishëm të bandës. Nuk janë të rëndësishëm pasi janë hetimet në vazhdim”, -tha gazetari italian.