“Ta harrojnë dekretimin e qeverisë, nëse del me vota të manipuluar”, kështu u shpreh Ilir Meta gjatë fushatës zgjedhore. Por, sot Petrit Vasili ka ndryshuar qëndrim. Edhe pse deklaroi se këto ishin zgjedhjet më të shëmtuara, teksa u pyet nga gazetarët nëse Meta do e dekretojë qeverinë, kreu i LSI-së tha:
“Nuk kam asnjë komunikim të tillë për këtë çështje. Meta merr detyrën në 24 korrik dhe pas marrjes së detyrës mund të komunikoni të gjitha çështjet. Detyra jonë është evidentimi i plotë i të gjitha rasteve të problemeve në zgjedhje. LSI punon në të gjithë vendin”.
