The Associated Press
Donald Trump foli në një tjetër emision radiofonik kur u pyet, siç ndodh shpesh, nëse po planifikonte një kthim në garën për Shtëpinë e Bardhë në 2024-ën. “Kemi nevojë për ty”, i tha komentatori konservator Dan Bongino ish-presidentit.
“Epo, do të të them diçka”, u përgjigj Trump. “Ne do t’ju bëjmë shumë të lumtur dhe do të bëjmë atë që është e drejtë për t’u bërë”.
Ishte një përgjigje tipike evasive prej një president i cili k kaluar dekada duke marrë pjesë në gara presidenciale. Por shumë njerëz që kanë folur me Trumpin dhe ekipin e tij në javët e fundit thonë se komente të tilla nuk duhet të shihen si biseda të pakuptimta. Në vend të kësaj, ata ndiejnë një ndryshim, me Trumpin që vepron dhe flet gjithnjë e më shumë sikur po planifikon të ndërmarrë një tjetër kandidim teksa fillon një fazë më publike të post-presidencës së tij, duke filluar me një fjalim të shtunën në Karolinën e Veriut.
Interesi për një kandidim tjetër, të paktën tani për tani, vjen pasi Trump është konsumuar nga përpjekjet për të anuluar zgjedhjet e vitit të kaluar, duke pretenduar se ato ishin vjedhur dhe që beson se rinumërimi mund të rrëzojë rezultatet, megjithëse rinumërimet e shumta kanë vërtetuar humbjen e tij. Ai gjithashtu në këto momente po përballet me kërcënimin më të madh ligjor të karrierës së tij./Tirana Today
