Policia e Vjenës ka dhënë detaje të reja lidhur me sulmin që terrorizoi kryeqytetin e Austrisë mbrëmjen e djeshme.
Bëhet e ditur, se 4 persona mbetën të vdekur dhe 22 të tjerë u plagosën.
Autoritetet policore, informojnë se autori i neutralizuar është një 20-vjeçar i cili kishte dy nënshtetësi, maqedonase dhe austriake.
Ndërkohë, është e paqartë nëse në këtë ngjarje ka marrë pjesë dhe ndonjë person tjetër.
Deri më tani, nga hetimet janë arrestuar 14 persona si të dyshuar.
As of 03:02 PM am, this is what we can confirm towards the assault in Vienna’s inner city district: #0211w pic.twitter.com/jjTAQuWGsi
— POLIZEI WIEN (@LPDWien) November 3, 2020
Kujtim Fejzullahu, autori i sulmit terrorist me origjinë shqiptare
Kujtim Fejzullahu, ka qenë futbollist i talentuar gjatë adoleshencës së tij në qytetin Mödling.
Këtu dyshohet se ai ka rënë në kontakt me persona të tjerë, ekstremistë, disa prej të cilëve të dënuar më parë për terrorizëm.
Fejzullahu ka qenë i njohur për radikalizmin e tij prej vitesh, ndërsa shkonte rregullisht në xhami.
