Garda Revolucionare Iranit ka akuzuar Arabinë Saudite për sulmet vdekjeprurëse në Teheran ku u vranë të paktën 12 vetë. Ndërkohë që më herët, ISIS mori përgjegjësinë për sulmet.
“Ky sulm terrorist ndodhi vetëm një javë pas takimit midis presidentit amerikan (Donald Trump) dhe udhëheqësve sauditë të cilët mbështesin terroristët. Fakti që Shteti Islamik ka marrë përgjegjësinë, vërteton se ata janë përfshirë në sulmin brutal”, thuhet në deklaratën e Gardës Revolucionare Iranit, i cituar nga “Reuters.”
Pas sulmit të ditës së sotme, gjeneral-brigade dhe njëherësh zëvendëskomandanti i IRGC, Hossein Salami u zotua për hakmarrje.
“Nuk ka asnjë dyshim se do të hakmerremi ndaj terroristëve, bashkëpunëtorëve të tyre dhe mbështetësve të tyre”, tha ai, siç citohet edhe nga agjencia e lajmeve “Mehr”.
(TIRANA TODAY)
