Policia britanike po heton për helmimin e ish-spiunit rus dhe vajzës së tij, dhe sipas tyre mund t’u duhen ndoshta muaj për të çuar deri në fund të vërtetën. Ata tashmë po punojnë me pistën nëse në makinën e tyre ka qenë hedhur agjenti vdekjeprurës.
Scotland Yard ka nisur të bëjë apel për këdo që ka parë Sergei Skripal, 66 vjeç, dhe vajzën e tij Julia, 33 vjeç, të kishin hipur në makinën e tyre BMW, ditën kur ndodhi ngjarja në Salisbury.
Ata po shqyrtojnë gjithashtu nëse valixhet e zonjës Skripal ishin të infektuar me agjentin vdekjeprurës kur erdhi nga Moska.
Scotland Yard ka publikuar fotografinë e parë të qartë të makinës së ish-agjentit të dyfishtë, një BMW dhe kërkoi ndihmën e qytetarëve për të përcaktuar se ku e kishin parë këtë makinë ndërmjet orës 9.15 dhe 1.30 të dielën e 4 marsit.
Ndihmës Komisioneri Neil Basu, shefi i Britanisë kundër terrorizmit, tha: “Po mësojmë më shumë për lëvizjet e Sergei dhe Julia, por ne duhet të jemi më të qartë rreth lëvizjeve të tyre të sakta mëngjesin e ditës së incidentit. Duhet të krijojmë lëvizjet e Sergeit dhe Julisë gjatë mëngjesit, përpara se të shkonin në qendër të qytetit”.
Rreth 250 oficerë specialistë të anti-terrorit po punojnë në këtë rast dhe kanë marrë deklarata nga 400 dëshmitarë.
Deri tani dihet se vajza e Skripal mbërriti në Heathroë në një fluturim nga Rusia në 2.40 pm të shtunën, një ditë para sulmit.
Një teori është se agjenti nervor Novichok ishte fshehur në bagazhet e saj nga një skuadër që vepronte sipas urdhrave të presidentit Vladimir Putin.
