Të paktën 17 persona janë vrarë pas sulmit me armë zjarri në shkollën Stoneman Douglas në Parkland, Florida. Është raportuar se autori një 19 vjeçar ka lëshuar alarmin për zjarr duke shkaktuar kaos në shkollë para se të niste të shtënat, kanë thënë zyrtarë të zbatimit të ligjit për CBS Neës. Nxënësit janë detyruar të fshihen në klasa derisa policia ka kërkuar në ndërtesë.
Shefi i Broëard, Scott Israel u ka thënë gazetarëve, se Nicolas Cruz ka filluar të shtënat jashtë shkollës duke vrarë tre persona. Ai më pas ka hyrë në ndërtesë duke vrarë 12 të tjerë. Dy persona kanë vdekur pasi kanë arritur në spital.
Dëshmitë
Të tmerrshme janë dëshmitë qe vijnë nga të mbijetuarit e sulmit me armë në shkollën në Florida. Nxënësit tregojnë mes lotësh se dëgjuan të shtënat që erdhën nga kati i parë dhe pastaj u bë kaos.
“Nxituam me vrap në klasat tona, mësuesi po mbyllte me forcë derën që të pengonte autorin të vinte, por mbeti i vrarë te dera”- tregojnë nxënësit.
Mattheë Ëalker, një nxënës 17-vjeçar në shkollë, i tha ËFOR-TV se të gjithë shokët e klasës e dinin se do të ishte ai.
“Shumë njerëz thoshin se do të ishte ai,” tha ai. “Shumë fëmijë hodhën shaka duke thënë se ai do të ishte ai që do të xhironte shkollën. Rezulton se të gjithë e parashikuan atë. Kjo është çmenduri’.
Disa pamje nga vendi i ngjarjes tregojnë disa nxënës derisa largohen në grupe të vogla. Edhe FBI është në vendin e ngjarjes duke u ndihmuar autoriteteve lokale.
Televizionet amerikane kanë raportuar edhe se një numër i prindërve janë mbledhur jashtë zonës së rrethuar nga policia.
“Presidenti është njoftuar për të shtënat në shkollën në Florida”, ka thënë zëvendës-sekretarja për shtyp në Shtëpinë e Bardhë, Lindsay Ëalters.
“Jemi duke e vëzhguar situatën. Lutjet tona janë me të prekurit”, ka thënë ajo. Ndërsa presidenti amerikan, Donald Trump përmes një postimi në Tëitter ka thënë se askush nuk duhet të ndihet i pasigurt në shkollat amerikane.
“Lutjet dhe ngushëllimet e mia shkojnë për viktimat e sulmit të tmerrshëm në Florida. Asnjë fëmijë, mësimdhënës apo dikush tjetër nuk duhet të ndihet i pasigurt në një shkollë amerikane”.
Kongresmeni, Ted Deutch, i cili është përfaqësues i këtij distrikti, përmes një postimi në Tëitter ka thënë se ka biseduar me sherifin derisa ngjarjen e ka cilësuar shkatërruese.
