Australiani Brenton Tarrant, njeriu i akuzuar për vrasjen e 50 personave në sulmet e muajit të kaluar në dy xhami në Christchurch të Zelandës së Re, është urdhëruar t’i nënshtrohet testeve të shëndetit mendor.
Ai do të shihet nga ekspertët për të vendosur nëse ai ishte i aftë për t’u gjykuar ose i çmendur, tha gjyqtari i gjykatës së lartë, Cameron Mander.
I dyshuari përballet me 50 akuza për vrasje dhe 39 akuza për tentative vrasje. Tarrant, 28 vjeç, u shfaq në sallën e gjyqit, e mbushur me të afërmit e disa prej viktimave, nëpërmjet lidhjes me video nga burgu.
Ky është sulmi me më shumë viktima që ka parë ndonjëherë Zelanda e Re. Kryeministrja e Zelandës së Re Jacnda Ardern e quajti atë një nga “ditët më të errëta” të vendit.
Ajo është zotuar të ndalojë të gjitha llojet e armëve gjysmë automatike dhe pushkëve sulmuese.
