Ish-ministri i Drejtësisë Manjani i cili është dhe shumë aktiv në rrjetet sociale, ditën e sotme ka sulmuar delegacionin e BE-së.

Me anë të një postimi në rrjetin social “Facebook”, Manjani ka bërë një analizë të detajuar te investimeve të bëra në Shqipëri nga delegacioni I BE-së, ku rezultojnë para të harxhuar kot.

 Megjithatë Manjani shpreh mirënjohje për taksapaguesit evropianë, por thotë se nuk e di a duhet t’u jemi mirënjohës zyrtarëve të tyre. Por nuk mungon as shprehja popullore, kalit të falur nuk i shahen dhëmbët, por siç thotë ai i shihen këmbët. Në fund Manjani përmend raportet ndërkombëtare, për të cilat thotë se ua pimë lëngun.

 STATUSI I MANJANI
Thank you!
Nuk di asnjë projekt infrastrukturor të tenderuar, realizuar dhe mbikëqyrur nga Delegacioni i Bashkimit Europian që:
– të ketë mbaruar në kohë,
– të jetë i cilësisë së lartë siç bëhet në hapësirën e BE.
Asnjë kompani me emër në BE nuk di të jetë përzgjedhur për të kryer punime ndërtimore! Asnjë! Vetëm anonime dhe me partnerë lokalë… SAJESA!
Shembuj projektesh cilësisht të këqija ka plot. Po ju sjell në vëmendje disa:
– kanalizimet e Golemit, jo funksionale. Në fakt, hyri uji i detit në tuba sapo u vunë në punë.
– kanalizimet e Vlorës, nuk funksionuan. Impianti u bë e u vodh disa here pa u vënë në punë.
-Kanalizimet në Velipojë e Shëngjin, jo funksionale dhe cilësisht të dobëta.
– ujërat e Zeza Ksamil, defektoze.
– lungomarja (që u bë lungo pare), defektoze.
– pedonalja tek rruga “Murat Toptani”, është për faqe të zezë. Pllakat e gurit lëvizin si tastiere makine shkrimi.
Etj, etj…
Nuk po llogaris këtu sasinë e jashtëzakonshme të parave që Delegacioni i BE në Tiranë ka harxhuar për asistencë teknike!
Me aq para duhet të kishim blerë gjithë shkencën e botës. Në fakt u blenë thashethemexhinj nga e gjithë bota, ndaj këtu vetëm llafet ngelen…
Këto ishin para të dhuruara nga taksapaguesit e BE, të cilëve sinqerisht u jemi mirënjohës!
Po nuk e di a duhet t’u jemi mirënjohës zyrtarëve të tyre që i administruan si deshën! Në shumë raste na është dashur të dublojmë investimet me para të buxhetit të shtetit tonë të varfër, për të mbuluar cilësinë e dobët të Delegacionit të BE!
Nuk akuzoj askënd, por një gjë e di mirë: kur këto gjëra i bëjnë shqiptarët, Delegacioni dhe ambasadorët nuk ngurojnë t’i quajnë “Të Korruptuar”!
E bëjnë këtë gjë pa teklif dhe në dhunim të plotë të parimit të Prezumimit të Pafajësisë!
Sidoqoftë kalit të falur, nuk ja shajmë dhëmbët! Por, kjo nuk do të
thotë që të mos ja shohim këmbët! Kurse me etiketimet që na vënë nëpër raporte, aq na bën! Jua pimë lëngun!