Nënkryetari i Partisë Demokratike në Dibër, Ilir Hysa është arrestuar nga Policia e Dibrës.
Hysa akuzohet për sulmet e ndodhura në KZAZ–në nr.19 që ndodhej brenda shkollës së mesme “Nazmi Rushiti”.
Ndërkohë, pak ditë më parë në pranga ra dhe kreu i PD në Dibër, 30-vjeçari Korab Muça, i cili u ndalua në doganën e Blladës.
Kujtojmë që gjatë protestës në KZAZ-në nr.19, pati përplasje të ashpra mes policisë dhe militantëve të opozitës, pasi këta të fundit tentonin të çanin kordonin e policisë për t’u futur brenda KZAZ-së dhe për të djegur materialet zgjedhore.
