Kreu i Shtetit, Bajram Begaj, do të mbledhë sot Këshillin e Sigurisë Kombëtare. Në fokus të mbledhjes do të jenë sulmet kibernetike nga Irani.
Hakerat iranianë kanë marrë përsipër sulmet kibernetike që janë regjistruar në Shqipëri gjatë korrikut dhe në shtator. Ata kanë shpërndarë materiale të Policisë së Shtetit, pamjet filmike të kamerave të sigurisë në pikat kufitare të vendit, përfshirë dhe aeroportin “Nënë Tereza”, duke i shpallur luftë shtetit shqiptar. Vetëm një javë më parë qarkulloi një material me emra shqiptarësh e foto, mes tyre dhe të inkriminuar. Pavarësisht se Homeland Justice deklaroi se ishte kartoteka e MEMEX, Policia e Shtetit e mohoi një gjë të tillë.
Sakaq, pjesë e mbledhjes së sotme të Këshilit të Sigurisë Kombëtare do të jetë kryeministri Edi Rama e ministrja e Jashtme, Olta Xhaçka, ministri i Mbrojtjes Niko Peleshi si dhe ministri i Brendshëm Bledi Çuçi.
Dje është dorëzuar në Kongresin Amerikan rezoluta, që dënon sulmet kibernerike të Iranit ndaj Shqipërisë.
