Të paktën 53 civilë janë vrarë pas sulmeve ajrore të Rusisë në fshatin lindor të Sirisë, në Al-Shafah. Observatori Sirian për të Drejtat e Njeriut me bazë në Londër tha se 21 nga viktimat ishin fëmijë.
Fshati ndodhet në Deir al-Zour, një nga provincat ku ISIS kontrollon ende territorin.
Fillimisht, Observatori Sirian për të Drejtat e Njeriut tha se numri i viktimave ishte 34, por grupi i monitorimit tha për AFP-në se besohej se numri i viktimave të ishte rritur ndjeshëm.
Rusia konfirmoi më herët se 6 bombardues me rreze të gjatë veprimi kishin sulmuar zonën, por sipas saj ishin goditur militantët dhe bastionet e tyre. Rusia është një aleat kyç i presidentit sirian Bashar al-Assad në luftën e gjatë civile të vendit.
Grupi monitorues tha se 120 persona janë vrarë që kur ushtria siriane nisi sulmin atje rreth 2 javë më parë.
