Sot Raiffaisen Bank pësoi një sulm “phishing”, duke vënë në rrezik privatësinë e përdoruesve. E-maile të ndryshme kanë shkuar tek përdoruesit, të cilët në rast se do klikoheshin me anë të butonit “Përditësim” do ndodhte që depozitat e tyre të ishin në rrezik.
Eksperti i IT, Tomi Kallanxhi ka reaguar me anë të një postimi në rrjetet sociale, duke njoftuar lidhur me këtë sulm.
Klientët janë përballuar me e-maile tek të cilët shkruhet “shërbimi juaj do mbyllet” dhe më tej vijon si më poshtë:
Përshëndetje!
I nderuar klient, na vjen keq t’ju informojmë se shërbimi juaj është gati të bllokohet për shkak të përditësimeve të dështuara, prandaj zona juaj e klientit është kufizuar derisa të përfundojë përditësimi.
Aktualisht po qarkullon një “phishing page” ndaj të cilit duhet treguar kujdes për të mos klikuar në përditësim të të dhënave tuaja, pasi fare lehtësisht mund të thyhet privatësia juaj.
Është e rëndësishme të theksojmë se llogaria juaj nuk është në rrezik, sepse banka ka “two factory authentication” për transfertat, por mund të lexohen gjendje dhe të shkarkohen raporte.
Tregoni kujdes se nga kush ju vjen e-maili, lexojeni me vemendje”.
Raiffaisen Bank ka reaguar pas sulmit, ku dhë ka fshirë webfaqet që do “peshkonin” përdoruesit!
Reagimi Raiffaisen Bank
Duam t’ju njoftojmë se ditën e sotme Raiffeisen Bank NUK ka dërguar asnjë e-mail zyrtar me tekstin “Shërbimi juaj do të mbyllet.!!!” nga adresa raiffeisen@meguro-torishin.com në lidhje me mbylljen e shërbimit.
