Katër persona kanë mbetur të plagosur pas një sulmi me thikë në qendër të Parisit, ndërsa mësohet se dy prej të lënduarve janë në gjendje kritike për jetën.
Një sulm me thikë është raportuar pak çaste më parë pranë zyrave të revistës satirike ‘Charlie Hebdo’. Agresorët dyshohet se janë dy persona, ende të paidentifikuar.
Besohet se të paktën dy të dyshuar u larguan nga skena pas sulmit. Policia raportohet të ketë arrestuar të dyshuarin, por i dyti mund të ketë ikur me sistemin e metrosë së qytetit.
Media franceze BFM TV dhe Le Figaro thanë se një i dyshuar ishte arrestuar në shkallët e shtëpisë së operës Paris Bastille. Ish zyrat e ‘Charlie Hebdo’ janë rrethuar gjithashtu, pasi policia gjeti një pako të dyshimtë.
Arsyet e sulmit janë ende të panjohura, ndërsa hetuesit raportohet se kanë gjetur një mjet prerës në vendngjarje.
