Një sulm me bombë është kryer në autobusin që transportonte rojet e burgut në lagjen Osmangazi të Bursës. Deri më tani raportohet për një të vdekur. Guvernatori i Bursës Yakup Canbolat tha në një deklaratë: “Ne vlerësojmë se bomba e punuar me dorë, e lënë në fund të pemës gjatë kalimit të automjetit të burgut u shpërthye me një telekomandë. Ne e vlerësojmë incidentin si një sulm terrorist”. Momenti i shpërthimit është regjistruar nga kamerat e sigurisë. Nga ana tjetër, ministri i Brendshëm Süleyman Soylu dhe ai i Drejtësisë Bekir Bozdag dhanë një deklaratë në vendngjarje. Ministri Bozdag tha: “Të dhënat e para na tregojnë se sulmi ishte një sulm terrorist. Shpjegimet e nevojshme do të ndahen me publikun si rezultat i hetimit”.
Ngjarja ka ndodhur rreth orës 07:30 në lagjen Osmangazi. Nga sulmi mbeti i vrarë 1 person, 4 persona u plagosën, 1 në gjendje të rëndë. Ndërkohë që të plagosurit po dërgoheshin në spitalet përreth, mjeti është tërhequr në pikën e karburantit.
Ministri i Brendshëm Süleyman Soylu dhe ai i Drejtësisë Bekir Bozdağ erdhën në Bursa, ku ndodhi sulmi ndaj gardianëve të burgut. Ministrat bënë hetime në vendngjarje. Po kështu vizituan të plagosurit në spital.
Marrë me shkurtime nga Hurriyet. Përshtatur nga Tirana Today
