Një deputet ukrainas thotë se teatri në Mariupol në të cilin banorët po strehoheshin nga bombardimet, ishte shënjestruar qëllimisht nga bombarduesit rusë.
“Më shumë se 1000 njerëz” ishin strehuar në teatër, kur u vu në shënjestër nga forcat e Moskës, pavarësisht një mesazhi të madh që paralajmëronte praninë e fëmijëve që shiheshin nga qielli.
“Piloti nga avioni i pa këto fjalë, dhe gjithsesi bombardoi teatrin”, thotë Dmytro Gurin.
Deputeti shprehet se një i mbijetuar raportoi se teatri ishte shkatërruar “nga një bombë prej rreth 1.000 kilogramë eksploziv”.
“Nuk ka më teatër dramatik, siç e mbaj mend, vetëm pjesa tjetër e godinës. Dhe nuk e dimë ende numrin e të vdekurve”.
Gurin, prindërit e të cilit janë bllokuar në qytetin port, thotë se mbetet e paqartë nëse dikush i mbijetoi sulmit, pasi infrastruktura e komunikimit në qytet është dëmtuar nga luftimet intensive.
Burimi i lajmit: BBC. Përshtatur nga Tirana Today
