Kukësi është ndalur në barazim 2 me 2 me Teutën. Ky rezultat negativ, i shoqëruar dhe me humbjen e disa pikëve në ndeshjet e fundit, ka bërë që drejtuesit e klubit të qytetit verior të marrin vendimin për shkarkimin e trajnerit Shpëtim Duro.
Në një njoftim për mediat, FK Kukësi bën me dije se Duro nuk do jetë më trajneri i klubit. Klubi ka vendosur të shkarkojë teknikun, për shkak të mungesës së rezultateve.
Në njoftim thuhet se fillimi jo i mirë i fazës së tretë dhe sidomos ndeshjet ndaj Bylisit, Tiranës dhe së fundmi ndaj Teutës, ka bërë që Duro të shkarkohet.
Njoftim i klubit
“Shpëtim Duro nuk do të jetë më trajner i Kukësit. Klubi ka vendosur të shkarkojë teknikun për shkak të mungesës së rezultateve. Fillimi jo i mirë i fazës së tretë dhe sidomos ndeshjet ndaj Bylisit, Tiranës dhe së fundmi ndaj Teutës, ka bërë që Duro të shkarkohet! Pas 24 javësh kampionat, Kukësi renditet në vendin e dytë me 4 pikë larg kreut! Klubi falënderon Duron për gjithçka ka bërë te Kukësi dhe i uron suksese në të ardhmen!”.
