Sukaj rikthehet në shtëpi, për ti larguar nga fundi klasifikimit

Xhevahir Sukaj është larguar përfundimisht nga Partizani, pas afro një vit që luante për kryeqytetasit. Siç ishte njoftuar ditët e fundit, Sukaj nuk ishte më i lumtur dhe po kërkonte që të ndërronte ambient. Bisedimit me shkodranët e Vllaznisë për një rikthim në vendlindje kishin kohë që ishin hapur, për tu mbyllur ditën e sotme.

Sot Sukaj ka firmosur kontratën me administratorin Astrit Gjyrezi dhe më pas është prezantuar. Futbollisti këmbëmajt do të jetë i lidhur me Vllazninë deri për pjesën e mbetur të sezonit, ekzaktësisht deri më 31 maj 2018. Sukaj do të niset drejt Ulqinit aty ku skuadra do të zhvillojë minifazën përgatitore të dimrit. Aktualisht Vllaznia ndodhet në zonën e rrezikut në klasifikim, ku mban vendin e 9-t me 15-t pikë pas 16 ndeshjesh.