Një shpërthim në kryeqytetin e Suedisë ka lënë pas një të vdekur dhe një të plagosur. Ngjarja ka ndodhur gjatë paradites së sotme në një stacion të njohur si “Var Gard”, në pjesën jugperëndimore të kryeqytetit të Stokholmit.
Sakaq, autoritetet kanë mbyllur stacionin dhe po vijojnë hetimet, ndërsa është njoftuar se për shkak të shpërthimit kanë mbetur disa të lënduar-shkruan Independent.
Lajmi është konfirmuar nga policia suedeze duke shtuar se incidenti nuk kishte lidhje me ndonjë sulm të mundshëm terrorist. Nga të dhënat e deritanishme, mësohet se lënda shpërthyese ka qenë një granatë dore.
Një zëdhënës policie është shprehur se “Ka qenë diçka që ka shpërthyer fuqishëm”.
Sipas mediave suedeze, viktimë e këtij sulmi ka mbetur një burrë rereth 60 vjeç, ndërsa një grua afër të dyzetave ka marrë plagë të rënda. Ndërkohë policia vijon punën për identifikimin dhe kapjen e autorit të shpërthimit, ndërsa pista e ndonjë sulmi terrorist është hedhur poshtë. TIRANA TODAY.
