Moti i keq ka goditur Evropën.
Situata paraqitet e vështirë në disa shtete dhe sinoptikanët tregojnë se situata do të përkeqësohet.
Në brigjet juglindore franceze mes Nisës dhe Marsejës, deti depërtoi në zonat e banuara.
Dy persona humbën jetën pas daljes nga shtrati të lumenjve që përmbytën automjete, rrugë e banesa. Disa të tjerë rezultojnë të zhdukur.
Gjendje emergjence është shpallur edhe në Greqi. Në ishullin Thasos, ujërat e rrëmbyer të përmbytjeve morën me vete automjete dhe shkaktuan rrëshqitje toke.
Përmbytjet kanë përfshirë thuajse gjithë Italinë. Pas tragjedisë në Venecia, tani përmbytjet vazhdojnë edhe në qytete të tjera dhe këto janë pasojat e daljes nga shtrati të lumenjve në Genova.
Nuk dihet për sa kohë do të vazhdojë kjo situatë, megjithatë këtë javë edhe vendi ynë do të përfshihet nga shirat dhe stuhitë.
