Sipas një studimi është vërtetuar se të qenit i vetmuar, mund të jetë e dëmshme për shëndetin psikologjik. Pakënaqesia, dëshpërimi, vetmia, mund të përshpejtojë proceset e plakjes më shumë se sa pirja e duhanit apo edhe disa sëmundje, kanë sugjeruar studiuesit.
Ndërsa të gjithë kanë “moshën e tyre kronologjike” – ata gjithashtu kanë atë që njihet si “moshë biologjike”, bazuar në plakjen e funksioneve të trupit, të ndikuar nga gjenetika, mënyra e jetesës dhe faktorë të tjerë. Studimet kanë sugjeruar më parë, sa më e lartë të jetë mosha biologjike, aq më i lartë është rreziku i sëmundjeve të ndryshme dhe rreziku i vdekjes.
Tani studiuesit thonë se kanë krijuar një model digjital të plakjes, duke zbuluar rëndësinë e shëndetit psikologjik.
“Trupi dhe shpirti juaj janë të lidhur – ky është mesazhi ynë kryesor”, tha Fedor Galkin, një bashkautor i studimit dhe shkencëtar kryesor në startup-in e Hong Kongut Deep Longevity.
Marrë me shkurtime nga The Guardian. Përshtatur nga Tirana Today
