Martesa duket se bën mirë për shëndetin tuaj. Ky status rrit shanset e mbijetesës nëse keni një rrezik kardiak apo kolesteroli i lartë, thonë studiuesit.
“Një bashkëshort i dashur mund të nxisë të kujdesesh më mirë për veten”, thanë studiuesit në një konferencë të kardiologjisë, bazuar në studimin e tyre për gati një milion të rritur në Mbretërinë e Bashkuar, (të gjithë këta njerëz kishin tension të lartë, kolesterol ose diabet).
Sakaq, të martuarit dolën shumë më mirë se ata që ishin të vetmuar.
I martuar dhe i lumtur?
Dr. Paul Carter dhe kolegët e Aston Medical School, të cilët e kryen këtë studim, kanë treguar tashmë se martesa është e lidhur me një shans më të mirë për t’i mbijetuar një ataku në zemër.
Hulumtimi i tyre i fundit, i paraqitur në konferencën e Shoqërisë Britanike Kardiovaskulare, lë të kuptohet se pse kjo mund të jetë e vërtetë.
Studimi hulumtoi edhe vdekjet e të gjitha shkaqeve, duke përfshirë sëmundjet e zemrës, nga ku rezultoi se bashkëshortët në vitet 50, 60 dhe 70 me kolesterol të lartë, kanë pasur 16% më shumë gjasa të jenë të gjallë në fund të studimit 14-vjeçar.
E njëjta gjë u vërtetua edhe për diabetin dhe presionin e lartë të gjakut, ku njerëzit e martuar kishin përparësi mbijetese.
Pamja ishte më pak e qartë për njerëzit që bashkëjetonin, ndaheshin, u divorcuan ose vejanët.
Faktorët e rrezikut të zemrës:
Pirja e duhanit
Tension të lartë
Kolesteroli i lartë
Diabeti
Mbipesha
Fiziku joaktiv
Historia familjare e sëmundjeve të zemrës
Mosha (rreziku shkon me moshën) /BBC/ Tirana Today/
