Fëmijët që hanë peshk një herë në javë, flenë më mirë dhe kanë një koeficient të inteligjencës më të lartë se fëmijët që nuk konsumojnë peshk, ose që hanë më pak se një herë në javë.
Ky është rezultati i një studimi të publikuar së fundmi në revistën “Raportet shkencore”.
Studimet kanë treguar një lidhje midis omega-3s – acidet yndyrore esenciale të gjetura në shumë lloje të peshqve, duke përfshirë salmon, sardelet dhe ton – dhe inteligjencës së përmirësuar dhe gjumit më të mirë.
Në studim morën pjesë më shumë se 500 fëmijë kinezë midis moshave 9 dhe 11, të cilët u përgjigjën se sa shpesh kishin ngrënë peshk në muajin e kaluar, me opsione që varionin nga “kurrë” në “të paktën një herë në javë”. Në moshën 12-vjeçare, fëmijët përfunduan një test IQ që shënoi aftësitë e tyre verbale dhe joverbale, raporton Tirana Today.
Fëmijët të cilët thanë se hanin peshk çdo javë, arritën 4.8 pikë më të larta në testet e IQ-së se ata që thanë se hanin peshk “rrallë” ose “kurrë”. Për shkak se fëmijët ishin të vegjël, studiuesit e Universitetit të Pensilvanisë nuk pyetën mbi llojin e peshkut që hanin.
Prindërit gjithashtu iu janë përgjigjur pyetjeve rreth cilësisë së gjumit. Fëmijët që hëngrën më shumë peshk kishin më pak shqetësime gjatë gjumit, duke treguar se bënin një gjumë më të rehatshëm.
Studiuesit rekomandojnë shtimin gradual të peshkut në dietën e një fëmije. “Fëmijët duhet të njihen me këtë ushqim që herët,” tha Jennifer Pinto-Martin, një bashkautore e studimit dhe drejtore ekzekutive e Qendrës Penn për Iniciativa Shëndetësore Publike. Përshtati: TIRANA TODAY
