Fëmijët e sapolindur me kombësi britanike, kanadeze dhe italiane qajnë më shumë se të gjithë foshnjat e shteteve të tjera.
Në këtë përfundim ka arritur Universiteti i Warwick në Angli, pas një studimi të bërë mbi të qarat e fëmijëve në muajt e parë të jetës.
Kështu, në studim thuhet se në Angli në dy javët e para, rreth 28% e bebeve qajnë më shumë se 3 orë në ditë, për 3 ditët e fundit të javës.
Gjithashtu, në Kanada në javën e tretë dhe të katërt qajnë rreth 34.1% e bebeve, ndërsa në Itali qajnë rreth 20.9% në javën e tetë dhe të nëntë.
Shifra të ulta janë shënuar në Danimarkë, ku qajnë vetëm 5.5% e foshnjeve në javën e tretë dhe të katërt, ndërsa në Gjermani vetëm 6.7% .
Sipas këtij studimi të publikuar në median londineze “Gazetën e Pediatrisë”, bebet qajnë rreth 2 orë në ditë në javët e para të jetës, ndërsa e qara zgjat përgjithësisht 2:15 minuta në ditë në javën e gjashtë. Ajo pakësohet në 1 orë e 10 minuta, në javën e dymbëdhjetë.
