Studiuesit në Spitalet Universitare Rainboë Babies & Children (UH Rainbow), botuan të mërkurën të dhënat e një studimit të ri, që tregon se mbajtja e një maske në fytyrë – një maske prej pëlhure ose një maskë kirurgjikale – nuk e dëmton aftësinë e njerëzve për të thithur dhe nxjerrë ajrin nga trupi i tyre.
Studimi mati rrahjet e zemrës, tensionin transkutan të dioksidit të karbonit, dhe nivelet e oksigjenit tek 50 vullnetarë të rritur në përfundim të 6 fazave 10 minutëshe: Ulur në heshtje, dhe më pas duke ecur me shpejtësi pa maskë; ulur në heshtje, dhe pastaj duke ecur me shpejtësi ndërsa mbanin një maskë prej pëlhure; dhe ulur në heshtje, dhe pastaj duke ecur me shpejtësi, ndërsa mbanin një maskë kirurgjikale.
Mosha mesatare e pjesëmarrjeve në këtë studim ishte 33 vjeç, dhe 32 për qind e tyre treguan se kishin një gjendje shëndetësore kronike si astma. Në studim, asnjë pjesëmarrës i vetëm nuk shfaqi një nivel të ulët të oksigjenit, apo një nivel të lartë të dioksidit të karbonit në gjak, gjatë kohës që mbante në fytyrë një maskë prej pëlhure apo maskë kirurgjikale, si në kohën që pushonte ashtu edhe gjatë ushtrimeve fizike.
Sipas drejtuesit kryesor të studimit, mjekut Stiven L.Shein, kreu i Divizionit të Kujdesit Kritik të Mjekësisë Pediatrike në Spitalin e Fëmijëve UH Rainbow, rreziku që popullata e rritur në përgjithësi të ketë nivele të konsiderueshme anormale të oksigjenit ose dioksidit të karbonit në gjak kur mbajnë një maskë prej lecke apo maska kirurgjikale, është afër zeros.
“Ne e dimë që maskat e fytyrës ndihmojnë për të parandaluar përhapjen e sëmundjes së Covid-19. Por gjithashtu e dimë se njerëzit kanë një lloj sikleti ose një frymëmarrje të rënduar gjatë mbajtjes së së tyre”- thotë dr.Shein, që është gjithashtu drejtues i Linsalata Chair, dhe profesor i asociuar i pediatrisë në Shkollën e Mjekësisë të Universitetit Case Western Reserve.
“Ne shpresojmë që këto zbulime t’i sigurojnë njerëzit, se trupi i tyre është në gjendje të marrë në mënyrë e duhur oksigjenin dhe nxjerrë jashtë dioksidin e karbonit, dhe kur mban në fytyrë një maskë”-tha dr.Shein.
Burimi i lajmit: https://medicalxpress.com/news/2021-02-impact-masks-heart.html
Përshtatur nga TIRANA TODAY
