Greqia është vendi me shovinist në Evropë. Kjo është konstatuar në një sondazh të gjerë, të kryer në shumë vende evropiane nga qëndra e mirënjohur amerikane “Pew Research Centre”. Sondazhi u krye në 33 vende evropiane, ku 56 mijë njerëz u pyetën nëse binin dakord me fjalinë: “Populli ynë nuk është i përsosur, por kultura jonë është superiore ndaj të tjerëve”.
Në vendin e parë u renditën grekët, me 89 për qind të tyre që e cilësojnë kulturën greke si superiore ndaj atyre të vendeve të tjera. Interesant është fakti që veç Greqisë, qëndrime më shoniviste shfaqën ish-vendet komuniste të Evropës Lindore, Gjeorgjia (85%), Armenia (84%), Rusia (69%), Bullgaria (69%), Bosnja (68%), Rumania (66%) Serbia (65%).
Ndërkohë vendet me pak shoviniste rezultojnë Italia (47%), Austria (47%), Britania (46%), Gjermania (45%), Danimarka (44%), Kroacia (44%) etj. Sipas këtij sondazhi vendi më pak shovinist në Evropë rezulton të jetë Spanja, me vetëm 20% të spanjollëve që mendojnë se kultura e tyre, është më superiore se ajo e të tjerëve. Është normale që çdo njeri të jetë krenar për kulturën e vendit të tij.
Por ndjenja e superioritetit në raport me të tjerët është e rrezikshme, pasi çon në diskrinimim, racizëm dhe akte dhune. Emigrantët shqiptarë, më shumë se evropianët e tjerë, e kanë pësuar në kurrizin e tyre shovinizmin ekstrem të shoqërisë greke.
