Nëse jeni dashamirës i kafesë, atëherë kemi lajme të mira për ju. Ndërkohë që studimet para pak muajsh raportuan se kjo pije mund të ndihmonte në reduktimin e rrezikut të vdekjes së hershme, tani duket se madje mund të përmirësojë edhe shëndetin e zemrës.
Një prej studimeve më të mëdha dhe më të gjata në historinë amerikane, konstatoi se konsumi i kafesë ishte i lidhur me uljen e rrezikut të sëmundjeve të zemrës. Në të vërtetë përfitimet rriten gjithnjë e më shumë me çdo kafe të konsumuar.
Shkencëtarët analizuan të dhënat e marra nga Framingham, studim i cili ka ndjekur modelet e të ngrënit të më shumë se 15,000 njerëzve që nga vitet 1940 në kërkim të faktorëve të paidentifikuar që ndikojnë në rritjen e rrezikut të goditjeve të zemrës. Ata përdorën inteligjencën artificiale për të vëzhguar çdo model brenda grupit të madh të të dhënave, gjë që çoi në zbulimin më të fundit në lidhje me pijen më të preferuar në botë.
Për çdo filxhan kafeje në ditë, ulet me 7%, 8% dhe 5% rreziku i sëmundjeve të zemrës në krahasim me njerëzit që nuk pinë kafe. 97% e njerëzve konsumojnë një deri në gjashtë filxhan kafe në ditë, prandaj kërkuesit e kanë të vështirë të kuptojnë nëse përfitimet janë njësoj edhe nëse rriten nivelet e konsumit. Autorja kryesore Laura Stevens, nga Universiteti i Kolorados, tha:
“Qëllimet tona janë të përcaktojmë nëse konsumi i kafesë është pjesë klinikisht e dobishme e vlerësimit të rrezikut të sëmundjeve kardiovaskulare dhe nëse konsumi i kafesë është një mënyrë për ta shmangur këtë rrezik”.
Studimi ende nuk është publikuar në një revistë mjekësore, por është paraqitur në Sesionin Shkencor të Shoqatës Amerikane të Zemrës 2017. (TIRANA TODAY)
