Një studim i Universitetit të New Yorkut ka dalë në përfundimin se, ndotja e lumenjve nëpër botë nga antibiotikët, në disa raste i tejkalon nivelet e sigurisë me mbi 300 herë.
Sipas studiuesve, pjesë e këtij testi u bënë lumenjtë e 72 vendeve, në 6 kontinente të ndryshme. Rezultatet janë të frikshme, pasi në pothuajse 65% të këtyre vendeve janë gjetur antibiotikë, ku më i ndoturi prej tyre doli të ishte një lumë në Bangladesh.
Në këtë të fundit u gjet një përqindje tepër e madhe e ilaçit antibiotik ‘metronidazol’, i cili ishte në një nivel 300 herë më të madh se sa norma e lejuar.
Studiuesve lokalë iu kërkua të bënin më shumë mostra, në vende të ndryshme përgjatë lumenjve dhe pastaj t’i analizonin ato me 14 antibiotikët më të mëdhenj.
92 kampione në tërë botën janë ekzaminuar, ku studiuesit raportuan se kufijtë e sigurisë kapërcehen më shumë në Azi dhe Afrikë. Ata shprehen gjithashtu se edhe në Evropë dhe Amerikë ka nivele mjaft shqetësuese të kontaminimit.
Studimi u paraqit në takimin e Shoqatës së Toksikologjisë Mjedisore dhe Kimike, zhvilluar në Helsinki, ku ndër të tjera u theksua se ky problem tanimë është i një përmase globale.
