Rama është vënë me shpatulla pas murit, pasi studentët nuk janë marrë vetëm me kërkesat e tyre, por i kanë kujtuar edhe pasurinë. Një studente solli në fokus ndihmën e pakursyer të dhënë nga “Fundjavë Ndryshe”, e i kërkuar Ramës që të tregohet më i ndjeshëm me qytetarët që zgjohen çdo ditë mes skamjes.
Por qëndrimi publik i studentes nga fakulteti i Vlorës, ka sjellë edhe rebelimin e kryeministrit, i cili tha se rastet e varfërisë ekstreme janë të pakta. Kjo duke iu referuar propagandës që bëhet nga opozita, me theks të veçantë se varfëria është ulur këmbëkryq.
“Realisht është për të ardhur keq, por nuk eshtë faji juaj kur njërëzit flasin sikur kanë dalë nga kazani. Së pari, kjo qeveri që në 2013, ka ministritë dhe është hera e parë që asnjë ministër përfshirë edhe kryeministrin të bëj pushime jashtë shtetit. Dhe nuk bën. E dyta, është hera e parë në historinë e këtij shteti që nga ’90, që dhuratat që vijnë tek kryeministri, regjistrohen dhe ruhen. Kazani hyn në çdo shtëpi, dhe kontaminon çdo mendje.
E treta, në rastet kur udhëtoj, të jetës sime si artist, shpenzimet i paguaj vetë nga të ardhurat e mia. Unë nuk jetojn në luks, ti mund të qeshësh si të duash. Kam një shtëpi në një vend ku janë ndërtuar 400 mijë në 20 e ca vite. Dhe mbi të gjitha, kush më njeh e di që unë nuk jetoj për të fituar.
Nuk jam për të bërë pasuri, por për të dhënë që fëmijët e mi nesër, të kenë një vend më të mirë se vendi që kishin. Dhe unë këtë do ta bëj. Sa i përket të varfërve. Shqipëria ka varfëri, por ato raste se ça bëj unë personalisht për të ndihmuar, nuk janë për ti thënë ty apo për të dalë në televizor.
Tek pjesa e atyre shtëpive, e bëj për të sensibilizuar, por ato raste janë shumë pak në Shqipëri. Ne kemi bërë, ndihmuar familje në kushte ekstreme, dhe janë shumë pak krahasuar me masën tjetër. Çfarë kemi bërë ne për të tjerët, së pari ideja se ketu ka një varfëri dhe nuk kanë bukë të hanë, është një ide e shtrembër. Nuk jemi në kohen e komunizmit, jetojmë në një botë të lirë”.
