Disa studentë të Shkodrës kanë thyer derën hyrëse të godinës së rë të Fakultetit Juridik dhe Ekonomik, pasi ishte premtuar të hapej në datën 1 janar.
Siç shihet dhe nga video-ja, fillimisht ka qenë një studente që ka qëlluar më gurë dhe ka shkelmuar derën hyrëse, veprim ky që ka ngjallur reagimin e disa studentëve të tjerë, ndërkohë roja e godinës nuk ka bërë asnjë lëvizje për ta ndaluar.
Pak çaste më vonë nga momenti kur ndodhi incidenti, mbërriti edhe policia bashkë me rektorin Adem Bekteshi, i cili është shfaqur i revoltuar nga sjellja e studentëve, duke thënë se ky është një veprim prej vandalësh.
