Një student që po merr pjesë në takimin me kryeministrin, ka shpërthyer ndaj këtij të fundit. Ai ka thënë se është më mirë të shkojë jashtë e të pastrojë haletë, sesa këtu, ku 90% e të ardhurave shkojnë për taksa.
“Unë studioj Drejtësi, edhe pse doja Sociologji. Shfuqizo ligjin e arsimit të lartë, jemi penalizuar. Unë jam me mesatare 9.2, motra ime me mesatare 9.7, të dy paguajmë nga 200 mijë lekë, plus 200 mijë për libra. Prindërit e mi i kam pa punë. Jashtë, 90% e të ardhurave i mban vetë, e 10 i paguan shtetit. Këtu, 90 shkojnë për shtetin, fatura, ujë e drita, e 10 a dalin a s’dalin për të ngrënë bukë. Ju na dëgjoni këtu, po ikni dhe s’doni t’ia dini. Duhet të na e vini veshin. Të bëni diçka. Unë më mirë pastroj haletë jashtë, por e di që e kam shërbimin shëndetësor e shumë tjera. Mamaja ime kishte probleme me sytë, ia lanë takimin 2 muaj më vonë se ka radhë”.
Por, as Rama nuk është kursyer teksa i ka thënë t’i marrë të keqen se s’mund të thotë që janë të gjithë njësoj, pasi po të ishte kështu, ai do të hante një kokërr plumbi në ballë:
“Tani kjo është bërë seksi si metodë të thuash se të gjithë janë njësoj, këtu ti mua më merr të keqen që më krahason me tjerët, të isha si tjerët do haje një kokërr plumbi m’u në ballë e s’do flisje si tani”, ka thënë ndër të tjera Rama./ TIRANA TODAY
