Studentët e kanë kaluar natën para Kryeministrisë, por kjo duket se nuk i bën përshtypje kryeministrit Rama. Ai ka zgjedhur që të vijojë me agjendën e tij, duke ndarë me qytetarët një tjetër video, të cilën e cilëson si një histori suksesi. Kryeministri Edi Rama e nisur ditën me publikimin e pamjeve nga kantieri i rrugës së Arbrit. Ai bën me dije se pas hapjes së tuneleve, po punohet intensivisht edhe për Urën e Vashës.
Ndonëse protesta vijon me të njëjtat ritme, Rama nuk tërhiqet, duke kërkuar dialog. Studentët nga ana tjetër i kanë mëshuar faktit se ata janë më të fortë se kurrë, dhe se kërkesat duhet të realizohen pa një dialog.
Vlen të theksohet fakti se edhe një ditë më parë, në Facebook-un e kryeministrit ishin lënë vetëm komplimentet ndaj tij, ndërsa pjesa kritike nuk rezulton në faqe. E njëjta strategji është ndjekur edhe sot.
