Rama nuk ka ndërmend që të dorëzohet, e po kështu edhe studentët kanë dëshmuar një vullnet të hekurt. Ata nuk janë ndalur me protestat, ndonëse janë hasur me probleme nga më të shumtat.
Shpesh janë evidentuar rastet kur forcat e policisë u kanë hequr drunjtë për tu ngrohur, apo dhe u kanë marrë kartat si një formë kërcënimi. Por duket se kjo i ka bërë edhe më të fortë, e të bashkuar.
Teksa ata vijojnë të protestojnë para Kryeministrisë, Rama ka ndarë me ndjekësit një video mëngjesin e kësaj të diele. Ai ka tentuar që të shmangë vëmendjen nga protesta e studentëve, duke publikuar pamjet nga Memoriali i Skënderbeut, pas përfundimit të restaurimit.
“MIRËMËNGJES, dhe me këto pamje nga Memoriali i Skënderbeut që pas përfundimit të restaurimit tërësor të tij mbi rrënojat e Kishës së Shën Nikollit, ka nxjerrë në dritë atraksionin më të rëndësishëm të Lezhës, ju uroj një të dielë të qetë”, shkruan ai.
