Ministrja e Arsimit, Lindita Nikolla, ka tentuar që me studentët të ulet dhe të diskutojë për tarifat e studimit. Në çastin që asnjë marrëveshje nuk është arritur mes tyre, një reagim është përcjellë edhe nga kryeministri Rama.
Me anë të një komenti në “Facebook”, Rama pretendon se mediat po dizinformojnë sa i përket rritjes së tarifave.
Një qytetar i ka kërkuar Ramës që të shqyrtojë problemin e studentëve, e të mos mbajë ministrat të cilët i cilëson si mediokër e pa shkollë. Por Rama nuk e ka lënë me kaq, por ia ka kthyer po me të njëjtën monedhë.
Duke i cilësuar si studentë ngelës ata që kanë dalë në protestë, ai ka kërkuar mendimin e qytetarit nëse është i gatshëm që të paguajë shpenzimet e universitetit.
Studentët, nën një zë kanë paralajmëruar për pëshkallëzim të protestës nëse nuk plotësohen kërkesat e tyre për ulje tarifash, dhe përmirësim kushtesh në konvikte.
