Një agjenci inteligjence shprehet se lideri i Koresë së Veriut, Kim Jong-un ka kaluar të tjera pushtete në dorë të motrës së tij.
Kim Yo-jong është ngritur gradualisht në elitën e vendit komunist dhe tashmë konsiderohet si aleatja më e ngushtë e diktatorit.
Agjencia e kombëtare e inteligjencës në Korenë e Jugut tha se lëvizja është bërë pasi Kim përballet me “nivele të mëdha stresi”. Ai i ka kaluar së fundmi motrës së tij detyrat e menaxhimit të marrëdhënieve me Korenë e Jugut dhe me SHBA.
“Kim Jong-un ushtron pushtetin e tij absolut por në krahasim me të kaluarën, një pjesë e këtij autoriteti po transferohet gradualisht. Kjo mund të vijë nga nivelet e larta të stresit, dhe ndoshta edhe prej arsyes së Kim kërkon ta distancojë veten nga dështimet e regjimit. Motra e Kim nuk është e vetmja që po merr pjesë nga pushtetet pasi diktatori i ka dhënë detyra të reja dhe figurave të tjera të regjimit”, tha përfaqësuesi i opozitës koreano-jugore Ha Tae-kyung.
