Kryeministri Edi Rama ka publikuar bisedën që ka realizuar në “Whatsapp” me një qytetar, teka ky i fundit i ka kërkuar ndihmë për zgjidhjen e një problemi. Personi në fjalë i shkruan kryeministrit që ka tre muaj që familjarët e tij qëndrojnë pa energji elektrike, pasi nuk i kanë lidhur kontratën e dritave.
Mesa duket, ky mesazh ka rezultuar i dobishëm, sepse, pas këtij mesazhi, ai ka gjetur zgjidhje, dhe në shenjë falënderimi i ka dërguar kryeministrit një tjetë mesazh, teksa i thotë që ndihet i turpëruar, pasi nuk ka votuar kurrë për Partinë Socialiste. Ndërsa i premton se nuk do të votojë asnjë parti tjetër, por vetëm PS-në.
Lidhur me këtë, ka reaguar kryeministri Edi Rama, i cili i përgjigjet duke i thënë se këtë veprim e bënë me të gjithë, pavarësisht bindjeve të tyre politike.
“Më vjen shumë mirë që problemi u zgjidh. As nuk të pyeta për kë ke votuar, as nuk e ndoqa hallin që të më votosh mua, po sepse e bëj këtë me të gjithë edhe pse do doja të bëja shumë më tepër për të gjithë! Të jeni mirë familjarisht”, shkruan Rama.
