Koronavirusi ka mbyllur një tjetër çerdhe në Tiranë. Për shkak të infektimit me COVID-19, bëhet me dije se është mbyllur çerdhja nr. 42 në Tiranë.
Shkak është bërë testimi pozitiv me COVID-19 i një edukatoreje dhe një punonjëseje tjetër të çerdhes.
Sipas burimeve, tamponi u është bërë edhe pjesës tjetër të stafit të çerdhes, të cilët kanë patur kontakte me të infektuarat.
Prindërit janë njoftuar nëpërmjet sms-ve, që të mos i dërgojnë fëmijët në çerdhe nga e hëna. Vlen për tu theksuar fakti se ky nuk është rasti i parë ku kopshtet dhe çerdhet e kryeqytetit mbyllen si pasojë e pranisë së personave të infektuar.
