Zëdhënësja e Qeverise dhe ministrja e Shtetit për Marrëdhëniet me Parlamentin, Elisa Spiropali, në Twitter ka reaguar pas deklaratave të Presidencës për Unazën e Madhe.
Spriopali thotë se Presidneca, PD dhe LSI janë si pika uji me njëra-tjetrën.
Jo veç në mllef dhe në dëshirën për rrëmujë,po edhe në zëdhënie Presidenca është e ngjashme si pikat e ujit me simotrën PD dhe sigruan LSI! Po çarçafët e katranit me bojë i ka më të gjatë dhe padurimin për protestë më të dukshëm.Ah po, edhe dështimin e radhës njësoj do ta vuajnë!
Ndërkohë më herët kryeministri Edi Rama ka reaguar pas qëndrimit të Presidentit Ilir Meta për Unazën e Re, duke kërkuar anulimin e projektit.
Me anë të një status në rrjetin social “Twitter, Rama tha se Ilir Meta është drejtuesi më serioz i opozitës, duke e lexuar Kushtetutën njësoj si ata.
E vërteta është se IM është drejtuesi më serioz i opozitës. Kushtetutën e lexon njësoj si ata. Qeverinë e urren njësoj si ata. Rrëmujën e uron njësoj si ata. Po ndryshe nga ata,ai i ul vartësit të mbushin çarçafë me dokrra “ligjore” dhe budallallëkut i del për zot pa pikën e galjes.
