Nga lista e kandidatëve për deputetë të PS-së, e dorëzuar në KQZ, një nga “surprizat” e Ramës ishte mungesa e emrit të deputetit Alfred Peza.
Megjithatë, Spiropali e ka sqaruar këtë mungesë në listat për kandidatë të PS-së, teksa tha se ky është një vendim i vetë Pezës.
Sipas saj, deputeti zgjodhi të mos kandidojë, në mënyrë që të përballet me ata që e kanë akuzuar dhe më pas do të përqendrohet te karriera.
“Peza ka deklaruar se nuk do të kandidojë, e tha këtë në Kryesi. Nuk ka një pengesë ligjore, por për të fshirë gjithë llumin që është hedhur mbi të, Peza ka vendosur që së pari të përballet me ata që kanë hedhur akuzat dhe më pas do të vazhdojë karrierën”, sqaroi ajo.
