Një pensionist, që ishte duke luajtur në një makinetë bixhozi, hedh në tokë, me një grusht të vetëm, një hajdut të armatosur.
Ngjarja u regjistrua nga kamerat e sigurisë në St Albans, në veriperëndim të Melburnit (Australi) rreth orës 11.15 të datës 12 nëntor 2018.
Sipas raportit të policisë së zonës, dy meshkuj të armatosur me maçeta (thika të gjata meksikane) thyen dritaren e qendrës së lojërave të fatit duke tentuar grabitjen, por njëri prej tyre e pësoi keq.
Një lojtar pensionist, në të 70-tat e tij, e qëlloi një prej hajdutëve me një grusht të vetëm në kokë, duke e hedhur përtokë në mënyrë spektakolare.
Kaq mjaftoi që të dy hajdutët të iknin në pank dhe me duar të zbrazëta.
Policia e përshkroi një nga sulmuesit me gjatësi mesatare, të pamje të racës “maori” dhe me një theks të Zelandës së Re.
Detektivët pohuan se grabitja e tentuar mund të lidhet edhe me të paktën tre krime të tjera në zonë, ku ishin shënjestruar gjithmonë sallonet e lojërave të fatit.
“Është ndoshta fat që askush nuk është plagosur rëndë. Dikush në komunitet ka gjasa të dijë se kush janë këta njerëz dhe ne po i nxisim ata që të sjellin prova” , tha inspektori i policisë së zonës, detektivi Dean Thomas.
Përshtati TIRANA TODAY
