Franca dhe Gjermania janë ndalur në një barazim pa gola në ndeshjen e parë të tyre në Ligën e Kombeve, e cila u zhvillua në “Allianz Arena”. Një ndeshje e luftuar shumë fort nën reshjet e shiut e cila prodhoi shumë raste, por jo gola, Neuer dhe Areola ishin në formë të jashtëzakonshme dhe bënë disa pritje fantastike.
Ndeshja fillon në ritme të ulëta dhe asnjëra nga skuadrat nuk merr rrezik që të hidhet në sulm. U desh të pritej gati gjysmë ore lojë për të parë rastin e parë të rrezikshëm, që vjen nga Hummels, pas tij ishte Giroud që rrezikon portën e Neuer me një goditje më kokë.
Pjesa e dytë ishte shumë intensive e cila u duk sikur u nda në mënyrë të barabartë nga ekipet, Franca dominoi në fiullim duke krijuar shumë raste me Griezmann, por gjermanët u përgjigjën në fund duke iu afruar shumë golit me Reus. Një moment paniku ndodhi në fushë, në momentin kur Rudiger në një dyluftim me Pavard e shkel në qafë francezin, por fatmirësisht i shkakton vetëm disa të gërvishtura dhe ai rikthehet në fushë.
Uellsi i Ryan Giggs ka mposhtur me lehtësi Irlandën në derbin e Grupit 4 të League B, me rezultatin e thellë 4-1. Ishte një ndeshje që u zgjidh që në pjesën e parë. Laërence zhbllokoi rezultatin për vendasit përpara se Gareth Bale të shënonte një gol fantastik nga distanca duke dyfishuar rezultatin.
Norvegjia ka mposhtur Qipron me dy golat e Johansen në pjesën e parë ndërsa Bullgaria ka marrë një rezultat të madh ndaj Sllovenisë duke fituar 2-1 falë golave të Kraev në League A.
Ndërkohë në ndeshjet e League D, Gjibraltari është mposhtur 2-0 nga Maqedonia ndërsa Letonia dhe Andorra kanë marrë nga një pikë në barazimin 0-0.
