Të hënë në mbrëmje “San Siro” ishte i mbushur nga yjet e futbollit ndër vite. Një festë e vërtetë për të gjithë tifozët që ishin të pranishëm në shkallët e stadiumit. Ky organizim ishte për ti dhënë lamtumirën nga futbolli Andrea Pirlo-s. Dy ekipe, një me fanellë të bardhë dhe një me blu kanë zbritur në San Siro të Milanos për një ndeshje miqësore. Në fushë ishin legjenda që e kanë lënë futbollin, dhe disa që vazhdojnë akoma të luajnë si Buffon apo Quagliarella.
Shumë emra yjesh kanë luajtur ditën e hënë teksa rezultati në fund ishte spektakolar 7-7. Vieri, Inzaghi, Cafu, Zanetti, Lampard, Totti, Ronaldo dhe shumë të tjerë kanë respektuar Pirlon në ndeshjen e lamtumirës, teksa në stol dy trajnerët kanë qenë Conte dhe Ancelotti. Më poshtë keni golat e ndeshjes.
