Policia e Tiranës ka vënë në pranga nje 28-vjeçar të akuzuar për një vjedhje.

28-vjeçari banues në Tiranë vidhte çanta, portofol dhe celularë kryesisht në stacionet e urbanëve.

Sipas policisë janë dokumentuar një sërë vjedhjesh, për një hark kohorë prej 2-muajsh.

Policia po vijon punën për zbardhjen e plotë dhe dokumentimin ligjor edhe të vjedhjeve të tjera që ky shtetas dyshohet se mund të ketë kryer.

 Njoftimi i policisë

Arrestohet 1 shtetas për veprimtarinë kriminale në fushën e vjedhjes. Zbardhen dhe dokumentohen disa vjedhje të ndodhura më parë. Autori vidhte çanta, portofolë dhe celularë kryesisht në stacionet e urbanëve. Në vijim të punës për zbardhjen dhe dokumentimin me prova ligjore të vjedhjeve të ndodhura më parë Shërbimet e Komisariatit të Policisë Nr.3 kanë bërë të mundur ndalimin e shtetasit:

A.B 28 vjec banues në Tiranë i dënuar më parë për veprën penale “Vjedhja”.

Nga veprimet hetimore të kryera është dokumentuar me prova shkencore se shtetasi i ndaluar dyshohet si autor i ngjarjeve të mëposhtme:

-Më datë 16.02.2018 në autobusin e Tiranës së Re dyshohet se ka vjedhur portofolin e shtetases I.J.

-Më datë 15.02.2018 në stacionin e autobusit në rrugën “Asim Vokshi” dyshohet se ka vjedhur cantën se bashku me portofolin ku ka patur një shumë lekësh shtetas F.M 28 vjece.

-Më datë 22.01.2018 në rrugën “Asim Vokshi” dyshohet se ka vjedhur portofolin shtetas Z.I 24 vjece.

-Më datë 24.01.2018 në rrugën “Camëria” dyshohet se ka vjedhur portofolin shtetases F.F 58 vjece.

Policia po vijon punën për zbardhjen e plotë dhe dokumentimin ligjor edhe të vjedhjeve të tjera që ky shtetas dyshohet se mund të ketë kryer.

Materialet iu referuan Prokurorisë së Rrethit Gjyqësor Tiranë për veprimet të mëtejshme.