Interi ka qenë mjaft aktiv në merkaton e janarit. Një mbrojtës dhe një mesfushor i ka bërë dhuratë Suning deri tani teknikut Spalletti. Rafinha Alcanatara, lojtari më i ri i Interit vjen në një kampionat mjaft të vështirë, pas një dëmtimi prej 10 muajsh. Tekniku Spalletti është shprehur se atij i duhet të punojë shumë nëse dëshiron të bëhet pjesë e rëndësishme e ekipit zikaltër.
“Ne duhet të kujtojmë se ish-lojtari i Barcelonës ka pasur shumë pak minuta në këtë vit të fundit, për shkak të një lëndimi të pësuar në prill, në gjurin e tij të djathtë. Nuk mund të mendojmë se dikush që nuk ka luajtur në një vit e gjysmë të vijë dhe të rregullojë gjërat tek Interi. Ne jemi ata që duhet ta ndihmojmë dhe jo anasjelltas”.
Merkatoja e dimrit nuk është mbyllur ende, aq më pak për Interin, gjë të cilën trajneri zikaltër e bëri të qartë: “Ne do të dëshironim që të kishim lojtarë të tjerë me nivel të mjaftueshëm, që të konkurrojmë për diçka të rëndësishme”.
