Drejtuesi i fushatës elektorale dhe njëherësh kandidati për deputet i Partisë Demokratike për Qarkun e Elbasanit, Edmond Spaho, ka denoncuar tentativat për blerjen e votave.
Sipas Spahos, një shtetasi rom i janë marrë familjarisht kartat në këmbim të votës.
Në një prononcim për mediet Spaho deklaroi se “ka denoncuar në polici shtetasin me emrin Afrim Jagodina pasi i ka mbledhur familjarisht kartat një shtetasi rom”.
Ai shtoi se materialet denoncuese i ka depozituar në polici dhe autorët të ndëshkohen sipas ligjit.
Spaho nuk ka bërë të ditur se cili ishte partia politike që tentonte të blinte votat, por saktësoi se organet kompetente po merrem me këtë çështje.
Kohët e fundit janë bërë thirrje për shpërndarje parash në këmbim të votës. Sipas tij, ky fenomen është më i theksuar në bashkinë e Cërrikut.
Spaho deklaroi se deri më tani janë kapur 37 karta të cilat janë marrë në këmbim të votës dhe se të gjitha rastet do të denoncohen në polici.
