Kreshnik Spahiu, ish aleati i Lulzim Bashës në aksionin politik të çadrës, ka shfrytëzuar revoltën e Bashës, për ta vënë me ‘shpatulla pas murit’ me anë të ironisë.
Spahiu, përmes një analize, citon se 28 vite pas përmbysjes së komunizmit, lideri i PD-së u rikthye dje si vetmitar në djepin e demokracisë në Shkodër.
Ai nuk kishte në krah më mbështetësit e tij të flaktë, as njerëzit e tij të besuar. Spahiu nuk ia lë mangët Bashës, duke i kujtuar se atje mungonin 100% e themeluesve të PD-së. Pranë nuk kishte familjet e mëdha shkodrane, atje nuk ishin të burgosurit politik, etj.
Me pak fjalë, aty mungonin ata që dhanë gjak për opozitën. Spahiu, duke analizuar deklaratën e Bashës në lidhje me bandat, i kujton atij se vrasjet mes fiseve në Shkodër nuk lindën ditën e zgjedhjeve 2017, por buruan nga llumi politik i modelit Rama-Berisha.
Duke mos iu larguar kësaj tematike për të cilën është folur shumë ditët e fundit, Spahiu shkruan në Facebook se Basha zbarkoi në Shkodër me 20 badigardë dhe askush nuk e kujtoi për kohën qē ai ishte Minisitër i Brendshëm, dhe kur Shkodra pati mbi 30 vrasje nga këto banda.
Një ditë pasi zhvendosi parlamentin në Shkodër në një mbledhje të jashtëzakonshme, kreu demokrat përcolli një tjetër mesazh në rrjetet sociale. Kryedemokrati thekson se PD dhe opozita do vijojë të jetë në krah të qytetarëve. Kjo lloj qëndrese e ka revoltuar jashtë mase Kreshnik Spahiun, aq sa ai shpërtheu në rrjetet sociale.
