Prej rreth 1 orë vijon protesta e demokratëve në Shkodër, kundër krijimit të këshillit të ri bashkiak të dalë nga votimi i 30 qershorit, ndërsa kryebashkiaku i zgjedhur Valdrin Pjetri u tërhoq.
Ish-deputeti i PD, Bardh Spahia, ka deklaruar se kjo është një përgjigje e qytetarëve të Shkodrës ndaj kësaj farse.
“Është një përgjigje e jashtëzakonshme e qytetarëve të Shkodrës ndaj kësaj farse të madhe që ka filluar më 30 qershor, me ato votime pa të drejtë zgjedhje që iu imponuan qytetarëve”, deklaroi Spahia në një lidhje direkte për News24.
Sa i përket aksionit të mëtejshëm, ish-deputeti theksoi se do jenë qytetarët ata që do e përcaktojnë agjendën. Maxhoranca mbledh sot këshillin e ri bashkiak në Shkodër për konstituimin, ndërsa nga ana tjetër kryetarja aktuale e Bashkisë Shkodër, Voltana Ademi, ka deklaruar se do të qëndrojë në punë deri në zgjedhjen e kryetarit të ri.
