Ditën e sotme mbahen zgjedhjet presidenciale në Ukrainë, ku përballen presidenti aktual Petro Poroshenko, dhe humoristi pa përvojë në politikë, Volodymyr Zelenskiy.
Ky është rundi i dytë i zgjedhjeve, pasi asnjëri nga kandidatët nuk arriti ta fitonte shumicën e votave në rundin e parë.
Humoristi Zelenskiy është favorit për ta fituar garën për president. Edhe pse pa eksperiencë në politikë, 41-vjeçari është shembulli më i ri i një fenomeni botëror, ku kandidatët me pak gjasa po i sfidojnë seriozisht veteranët e politikës.
Kandidati tjetër, Petro Poroshenko, ka thënë se humori i Zelenskiyt mund të jetë i mirë për argëtim, por do të ishte vetëvrasje për një vend që është në luftë.
Në raundin e parë të zgjedhjeve, më 31 mars, humoristi Zelenskiy zuri bindshëm vendin e parë me 30.24 përqind të votave, ndërsa Poroshenko mori vetëm 15.95 përqind të votave.
