Ditën e sotme, në Gjykatën e Apelit të Shkodrës do të zhvillohet seanca gjyqësore për masat e sigurisë ndaj 23 protestuesve. Avokatët e tyre mbrojtës kanë apeluar vendimin e Shkallës së Parë të Kukësit që la në burg 11 protestues, 10 në detyrim paraqitjeje dhe 2 në arrest shtëpie.
Seanca e mëparshme u zhvillua në Gjykatën e Tiranës për çështje sigurie. Ajo zgjati rreth 3 orë dhe u shoqërua me tensione brenda gjykatës, ku pati përplasje mes policisë dhe deputetëve të PD-së. Ndërkohë, Drejtoria e Policisë pati angazhuar rreth 1 mijë policë për mbarëvajtjen e seancës.
Shpallja e vendimit u bë me praninë e gazetarëve, deputetëve të opozitës që ishin në sallë, si edhe me praninë e disa familjarëve të të arrestuarve. Pasi lexoi vendimin gjyqtarja Alma Ahmeti, disa deputetë të opozitës thirrën ndaj gjyqtares: “Turp, turp!”, ndërsa një prej deputeteve e cilësoi gjyqtaren “palaço”.
Sipas vendimit u lanë në burg: Xhevahir Hereni, Elton Cenku, Florin Onuzi, Shkëlqim Vata, Xhevahir Gashi dhe Elvis Oruçi, Rasim Onuzi, Abdi Haziraj dhe Vasil Laçi, Edmond Matmuja dhe 20 ditë burg për Shpëtim Totën.
E ndërsa opozita ditën e sotme ka vendosur për të qenë prezent në në mbështetje të të arrestusarrve duke e quajtur krim shtetëror dhe duke kërkuar lirimin e tyre
Grupi parlamentar i PD-së vendosi dje që sot të jenë të pranishëm në Shkodër në mbështetje të 11 qytetarëve nga Kukësi, që do të dalin para Gjykatës së Apelit. Deputeti i qarkut të Shkodrës, Bardh Spahia, bëri thirrje shkodranëve për të marrë pjesë në gjyq, i cili do të zhvillohet sot paradite në Shkodër, tek Gjykata e Apelit, ndaj 11 personave të arrestuarve për protestën e Kukësit. “Shkodra dhe shkodranët nuk janë pajtuar as gjatë diktaturës më të egër. I gjithë grupi parlamentar i PD-së do jetë aty. Sytë, mendja dhe zemra e çdo demokrati kudo ku ndodhen nesër do jenë në Shkodër. Le të jemi sa më shumtë nesër (sot) në orën 10:00tek Gjykata e Apelit”, tha Spahia.
